ᐅᖏᖅᓴᖅ
ᐱᕐᕋᖅᓯᒪᑦᑎᐊᖅᑐᖅ ᐅᖏᖅᓴᖅ ᑐᒃᑐᑉ ᓂᐅᖏᓐᓂᑦ ᐃᕙᓗᓂᒃ ᐊᑐᖅᑐᖅ. ᓴᓂᕈᕐᒧᑦ ᕿᓚᒃᓯᒪᔪᖅ ᓇᓄᕐᒥᒃ ᓇᑦᑎᕐᒥᒡᓘᓐᓃᑦ ᑮᓇᙳᐊᓕᐊᕆᓯᒪᓪᓗᓂ. ᐅᖏᖅᓴᑦ ᐊᔾᔨᒌᙱᑦᑐᓄᑦ ᐊᑐᖅᑕᐅᕙᓚᐅᖅᑐᑦ. ᐅᖏᕈᑕᐅᓪᓗᑎᒃ ᖃᕐᓖᖕᓄᒃ, ᐊᑦᑕᑎᕝᕕᐅᔪᓐᓇᖅᐸᓚᐅᕐᒥᔪᑦ ᖃᒧᑏᖕᓄᑦ ᐊᑕᔪᓂᒃ ᐃᖃᓗᖕᓂᒃ ᓄᕕᐅᖅᑲᐃᕕᐅᓪᓗᑎᒃ, ᐊᒻᒪᓗ ᒪᑦᑎᑦᑕᐅᑎᓕᐊᕆᔭᐅᔪᓐᓇᖅᖢᑎᒃ.
ᐊᕐᓇᑦ ᐅᖏᖅᓴᓕᐅᖅᑎᐅᕙᓚᐅᖅᑐᑦ. ᐃᕙᓗᐃᑦ ᐃᒪᕐᒧᑦ ᒥᓱᒃᑕᐅᓯᒪᓪᓗᑎᒃ, ᐸᓂᖅᑎᑕᐅᓪᓗᑎᒃ, ᕿᑐᒻᒪᒃᓴᖅᑕᐅᓪᓗᑎᒃ, ᐱᕐᕋᖅᑕᐅᓕᖅᖢᑎᒡᓗ. ᐅᖏᖅᓴᖓ ᐃᓱᖓᓂ ᓴᙱᑦᑎᐊᕆᐊᖃᓚᐅᖅᑐᖅ, ᓄᓱᒐᒃᓴᐅᑦᑎᐊᕐᓂᖅᓴᐅᓂᐊᕐᒪᑦ.
ᒫᓐᓇᒃᑯᑦ, ᐊᖑᑎᑦ ᓂᐅᕕᕐᕕᖕᒥᐅᒃᓴᔭᓂᒃ ᐅᖏᕈᑎᖃᕈᒪᓂᖅᓴᐅᕙᓕᖅᑐᑦ.
