ᓴᙱᓂᑭᓴᐅᑎᔾᔪᑏᒃ ᑐᒃᑑᑉ ᓇᒡᔪᖏᓐᓂᒃ ᑎᒍᓕᖃᖅᖢᑎᒃ, ᐅᒡᔪᒐᔭᖕᒧᑦ ᑲᑎᓯᒪᓪᓗᑎᒃ.
ᐱᙳᐊᕐᓂᐊᕐᓗᑎᒃ, ᐊᑭᓕᕇᓕᕐᓗᑎᒃ ᓵᙵᓗᑎᒃ, ᐊᑐᓂ ᑎᒍᓕᒥᒃ ᑎᒍᓯᓗᑎᒃ, ᑕᓕᖅᐱᖕᒨᒐᔪᒃᖢᓂ. ᓂᐅ ᐃᒡᓗᐊ ᓯᑦᑐᖓᓪᓗᒍ, ᕿᐱᖓᖔᖅᑐᒧᑦ ᓰᖅᑯᒥᓄᑦ ᐃᑯᓯᖅᓯᒪᓪᓗᓂ. ᐱᖃᑖ ᓰᖅᑯᒥᓄᑦ ᐃᑯᓯᖅᓯᒪᓪᓗᓂ, ᐱᖃᑖ ᐃᒃᓯᕚᑦᑎᐊᖅᖢᓂ. ᐊᖅᓵᕋᕐᒧᑦ ᐱᖃᑎᓂ ᓄᓱᒐᓱᒋᐊᖃᖅᖢᓂᐅᒃ. ᐊᖅᓵᕋᕐᒥᒃ ᑕᐃᔭᐅᔪᖅ ᖃᓪᓗᓈᑐᑦ ᐊᖅᓵᕋᐅᓯᕐᓂᒃ ᐊᔾᔨᖃᑲᓴᒃᑐᖅ. ᐊᖑᑎᓄᑦ ᐱᙳᐊᖅᑕᐅᒐᔪᖕᓂᖅᓴᐅᓪᓗᓂ, ᐱᓗᐊᖅᑐᒥ ᓯᓚᕈᔫᑎᓪᓗᒍ ᐊᖑᓇᓱᖕᓇᙱᑎᓪᓗᒍ, ᐱᙳᐊᖅᑎᓪᓗ ᓴᙱᓂᕐᒥᖕᓂᒃ ᖃᐅᔨᓴᕈᓐᓇᖅᖢᑎᒃ.
ᒫᓐᓇ ᓱᓕ ᐊᖅᓵᕋᖅᐸᒃᑐᑦ, ᐱᓗᐊᖅᑐᒥᒃ ᖁᕕᐊᓱᒡᕕᖕᒥ, ᑲᑎᕈᓘᔭᖅᑐᓂ, ᐱᒡᒍᓲᑎᖃᑦᑕᐅᑎᔪᓂᓪᓗ. ᑎᒍᓕᖏᒃ ᕿᔪᖕᒥᒃ ᓴᓇᓯᒪᕙᓕᖅᑐᑦ ᐊᒃᖢᓇᐅᔭᕐᒧᓪᓗ ᑲᑎᓯᒪᓪᓗᑎᒃ.
ᐊᖅᓵᕌᒃ
Natalino Piugattuk: ᐱᙳᐊᖑᖕᒪᑦ ᓄᓱᒃᓯᓇᓱᒃᑐᒧᑦ ᓲᕐᓗ ᑕᒡᕙ ᐃᒡᓗᕕᒐᐅᖦᖤᕈᓂ
ᐃᒡᓗᕕᒐᕐᒦᒃᑯᑦᑕ ᓂᕈᑭᓪᓗᓂ ᑕᒡᕙ ᓄᓱᒃᓯᓇᓱᒡᓗᖓ
ᐅᓇ ᓇᕿᓗᐊᕐᓂᑯᒧᑦ ᑕᑉᐸᐅᖓ ᐃᒡᓗᒧᑦ ᑲᑉᐳᑎᓗᓂ.
ᑭᓇ ᓴᙱᓂᖅᓴᐅᔭᕆᐊᒃᓴᖓᓂᒃ ᖃᐅᔨᓇᓱᒃᖢᑎᒃ
ᐃᖕᓇ ᒪᐅᓇ ᕿᒃᑐᕋᖏᑦᑕᕌᖓᒥ ᐅᕙᓂ ᓇᐱᔭᕌᖓᒥ
ᑕᑉᐸᐅᖓ ᐃᒡᓗᒧᑦ ᑲᑉᐳᑎᔭᖦᖢᓂ, Deborah Qaunaq: ᐱᒃᓯᒃᖢᓂ.
ᐅᓂᒃᑳᒃᓴᖃᑐᐃᓐᓇᖅᑐᖓ ᑕᐃᒪᓐᓇ ᐱᙳᐊᖅᑐᓂᑦ ᐊᑐᖅᑕᐅᑐᐃᓐᓇᓲᖑᓪᓗᑎᒃ
ᐊᒻᒪ ᖃᒡᒋᒥ ᐊᑐᖅᑕᐅᓚᐅᓲᖑᒋᓪᓗᑎᒃ. ᐃᒪᓐᓇᓕ ᓵᓚᒋᖃᑦᑕᐅᑎᔪᒪᓪᓚᑦᑖᖅᖢᑎᒃ ᖃᒡᒋᒥ.
Deborah Qaunaq: ᖃᒡᒋᐊᓗᖕᒥ? Natalino Piugattuk: ᐄ, ᖃᒡᒋᒥ. ᕿᓚᐅᔾᔭᖅᑐᓪᓗ ᒪᑯᐊ
ᑕᐃᒪᓐᓇᐃᑦᑐᑦ. ᐊᖑᑏᓈᒃ ᑯᓂᖃᑦᑕᐅᑎᓯᒪᓱᖓᕌᖓᒥᒃ ᑭᓯᐊᓂ
ᓵᓚᒃᓴᖅᑐᖃᕐᓗᓂ ᐃᒪᓐᓇᐅᔭᕆᐊᖃᕐᒪᑦ. ᖃᒡᒋᒥ ᐊᑐᖅᑕᐅᓚᐅᓱᖓᓲᖑᖕᒥᔪᑦ
ᐊᖑᑏᓐᓈᒃ ᐃᒻᒥᖕᓄᑦ ᐅᒡᒍᓇᖃᑦᑕᐅᑎᓯᒪᓱᖓᕈᑎᒃ ᑭᓯᐊᓂ
ᓵᓚᒃᓴᖅᑐᖃᕐᓗᓂ ᑕᐃᒪᓇᐃᑦᑐᒥ ᐊᒃᓱᕈᐊᓗᒻᒪᕆᓕᕐᓗᑎᒃ ᓵᓚᒃᓴᕋᓱᒡᓗᑎᒃ.
