ᑑᑦ ᑕᑭᔫᓚᐅᖅᑐᑦ ᓴᐅᓂᐅᓪᓗᑎᒃ ᓇᔾᔫᓪᓗᑎᒡᓘᓐᓃᑦ ᓄᕗᖃᑦᑎᐊᖅᖢᑎᒃ.
ᐅᑭᐊᒃᓵᒃᑯᑦ, ᑕᓯᕐᓂ ᓯᑯ ᓱᓕ ᓵᑎᓪᓗᒍ, ᑕᒪᒃᑯᐊ ᐊᑐᖅᑕᐅᕙᓚᐅᖅᑐᑦ ᐊᒡᓗᐊᓕᐅᕈᑕᐅᓪᓗᑎᒃ ᐊᐅᓚᓴᕐᕕᒃᓴᓂᒃ. ᑕᐃᒪᐃᓕᕌᖓᑦ ᐃᖃᓗᑦ ᐃᒃᑲᑦᑐᓄᐊᖅᓯᒪᓕᖃᑦᑕᕐᒪᑕ ᐱᔭᕐᓂᕐᓂᖅᓴᐅᓕᖅᖢᑎᒡᓗ, ᐃᓄᑐᖃᐃᑦ ᐃᓚᖏᑦ ᑕᐃᒪᓐᓇ ᐅᖃᖅᐸᒃᑐᑦ. ᓄᕗᖓ ᓄᕝᕗᐊᕆᒃᑑᒐᓗᐊᖅ ᑭᓯᐊᓂ ᓯᑯᒧᑦ ᐃᔾᔪᔪᒧᑦ ᓈᒻᒪᙱᑦᑐᖅ.
ᒫᓐᓇᒃᑯᑦ, ᑑᑦ ᓱᓕ ᐊᑐᖅᑕᐅᕙᒃᑐᑦ ᑭᓯᐊᓂ ᓴᕕᕋᔭᐅᕙᓕᖅᖢᑎᒃ.
ᑑᖅ
Natalino Piugattuk: ᑖᒃᑯᐊ [ᓇᑕᓕᓅ ᐅᖃᓪᓚᐅᓯᓕᒃ ᒪᕐᕉᖕᓂᒃ ᐅᓈᖕᒍᔮᖅᑑᖕᓂᒃ] ᑕᓯᕐᒥ, ᓯᑯᒥ ᐃᖃᓗᒐᓲᑎᕕᓂᖅ, ᑑᖅ. ᐊᑎᖃᖅᖢᑎᒃ ᑑᕐᒥᒃ.
ᓇᒡᔪᖕᒥᒃ ᓴᓇᓯᒪᒐᓗᐊᕋᒥ ᑮᓇᖃᖅᖢᓂ, ᑮᓇᓕᖅᓯᒪᓪᓗᓂ
ᕿᕐᓂᖅᑑᓇᔭᖅᑑᒐᓗᐊᖅ ᐅᓗᒃᓴᕐᓇᐅᒍᓂ, ᕿᕐᓂᖅᑐᒥᒃ ᐅᓗᒃᓴᕐᓇᒥᒃ
ᑮᓇᖃᖅᖢᓂ. ᑕᓯᕐᒧᑐᐃᓐᓇᖅ ᐊᑐᖅᑕᐅᔪᖅ. ᓲᕐᓗ ᑕᒡᕙ ᐃᓯᒑᒃ ᒪᕐᕉᒃ
ᑕᓯᖅ ᐃᔾᔪᖅᑎᑎᒋᑐᐊᕌᖓᒥ ᐊᖕᒪᒐᒃᓴᐅᔪᓐᓃᖅᑐᐊᓘᕙᖕᒪᑦ.
ᑑᖃᖅᖢᓂ, ᑑᖅᖢᒍ ᐊᒃᓱᕈᙱᖦᖢᓂ ᓱᕋᒃᑕᐃᓕᒪᒋᓪᓗᒋᑦ
ᑖᒃᑯᐊ ᑑᖅᖢᓂ ᐊᖕᒪᒐᒃᓴᐅᕙᒃᖢᓂ ᐃᖃᓗᒐᓱᖕᓂᐊᖅᖢᓂ.
ᑖᒃᑯᐊ ᑕᐃᒪᓐᓇ ᐃᒥᖅᑕᕐᓂᐊᖅᖢᓂᓘᓐᓃᑦ ᑖᒃᑯᐊᒃ ᑕᐃᒪᓐᓇᐃᑦᑐᒥᒃ ᓴᓇᔭᐅᓯᒪᔪᕕᓃᒃ.
ᑕᒪᕐᒥᒃ ᑑᖑᔪᐃᓐᓇᐅᔫᒃ ᐊᑕᐅᓯᕐᒥᒃ ᑕᒡᕗᙵᖅᓯᔪᖃᕋᓗᐊᕐᓂᕈᓂ
ᓱᖁᑕᐅᓇᔭᓚᐅᙱᑦᑑᒐᓗᐊᖅ. ᑕᒫᓂ ᓯᑯᓕᓵᖅᖢᓂ ᓵᓱᖓᖅᖢᓂ
ᑕᑉᐸᐅᖓ ᐃᖃᓗᓕᒃ... ᐃᒃᑲᓐᓂᕐᒦᓚᐅᐱᓪᓚᓲᖑᖕᒪᑕ
ᑕᓰᑦ ᓯᑯᓕᓵᖅᑎᓪᓗᒋᑦ. ᐃᔾᔪᖅᑎᑉᐸᑦ ᑕᐅᓄᖓ ᓴᑦᑎᒃᓯᒃᑲᓐᓂᕐᓂᐊᑐᐃᓐᓇᖅᖢᑎᒃ
ᐊᓕᐊᓇᐃᒋᔭᐅᓗᐊᙳᐊᖅᐸᓚᐅᕐᒥᖕᒪᑕ ᑕᒪᒃᑯᐊ ᑑᑦ, ᑑᑲᑕᒃᖢᓂ
ᓵᓱᖓᖅᑎᓪᓗᒍ ᐃᖃᓗᐃᑦ ᓇᑎᖃᖅᑐᒦᓐᓂᖏᓐᓂ ᑕᑯᒃᓴᐅᑦᑎᐊᔭᒻᒪᑕ
ᐃᖃᓗᒃᑕᐅᑲᑕᒐᓱᒃᖢᑎᒃ.
ᓱᓕ ᑕᐃᒪᓐᓇᑦᑎᐊᖅ ᒪᑦᑎᑦᑕᐅᑎᓄᑦ, ᒫᓐᓇᓕ ᑑᕆᓕᖅᑕᕗᑦ
ᒪᑦᑎᑦᑕᐅᓯᕐᓂᐊᕋᓗᐊᕈᑦᑕᓘᓐᓃᑦ ᑑᖃᐃᓐᓇᕐᓗᑕ ᑭᓯᐊᓂ
ᑑᖃᐃᓐᓇᕐᓗᑕ ᑭᓯᐊᓂ ᒪᑦᑎᑦᑕᐅᓯᕐᓂᐊᕋᓗᐊᕈᑦᑕ
ᐊᐅᓚᓴᔾᔮᙱᓕᕋᓗᐊᕈᑦᑕ ᒪᑦᑎᑦᑕᐅᓯᕐᓂᐊᑐᐊᕈᑦᑕ
ᑑᕐᒥᒃ ᑭᓯᐊᓂ ᐊᑐᕐᓗᑕ. ᑕᐃᒪᓐᓇᐃᑦᑑᔪᖅ.
