ᓇᑦᑎᕋᓱᙳᐊᕈᑎᑦ

ᓄᑲᑉᐱᐊᓄᑦ ᑐᕌᖓᓗᐊᕐᓂᖅᓴᐅᓪᓗᓂ, ᐱᙳᐊᕈᑦ ᐱᖓᓱᓂᒃ ᐃᓚᖃᖅᑐᖅ: ᓯᕗᓪᓕᖅ, ᐅᓈᕋᓛᖅ, ᕿᔪᖕᒥᑦ ᓴᓇᓯᒪᓪᓗᓂ ᐊᒃᖢᓈᖃᖅᖢᓂ ᓴᒃᑯᖃᖅᖢᓂᓗ; ᑭᖑᓪᓕᖅ, ᕿᓯᕋᔭᑦ ᐊᖕᒪᔪᖃᖅᖢᑎᒃ, ᓇᐅᒃᑭᐊᕐᕕᒃᓴᓕᐊᕆᓯᒪᓂᒃ, ᓇᑦᑎᕋᓱᒃᑐᑐᑦ ᓇᐅᒃᑭᐊᖅᓯᓇᔭᖅᑐᑐᑦ; ᐱᖓᔪᖓᑦ, ᓇᑦᑎᐅᑉ ᓴᐅᓂᖓ (ᑕᕝᕙᓃᙱᑦᑐᖅ) ᐊᖕᒪᔪᖃᖅᖢᓂ ᐊᒡᓗᙳᐊᕆᔭᐅᕙᒃᖢᓂ.

ᐱᙳᐊᖅᖢᓂ ᐊᒡᓗᒃᑯᑦ ᓇᑦᑎᕋᓱᙳᐊᖅᑐᑦ. ᓇᑦᑎᐅᑉ ᓴᐅᓂᖓ ᐊᖕᒪᔪᓕᒃ ᓇᐅᓕᒃᑕᐅᓇᓱᖕᓂᐊᖅᑑᑉ ᖁᓕᑦᑎᐊᖓᓃᖦᖢᓂ. ᓇᑦᑎᕋᓱᙳᐊᖅᖢᑎᒃ, ᓄᑲᑉᐱᐊᖅ ᐊᖑᓇᓱᒃᑎᐅᙳᐊᖅᖢᓂ ᓇᐅᓕᒃᓯᒋᐊᕆᐊᖃᖅᖢᓂ ᐊᖕᒪᔪᒃᑯᑦ ᐳᑐᖅᑯᑦᑎᓗᓂ ᕿᓯᖕᒥᒃ ᓇᑦᑎᙳᐊᕐᒥᒃ ᓇᐅᓕᒃᓯᒋᐊᕐᓗᓂ, ᐱᙳᐊᖃᑎᖓᓄᑦ ᓴᐅᓂᖅ ᕿᓰᓪᓗ ᐊᐅᓚᑎᑕᐅᕙᒃᖢᑎᒃ.

ᖁᕕᐊᓇᖅᑐᒃᑯᑦ ᓄᑲᑉᐱᐊᕐᓂᒃ ᐃᓕᓐᓂᐊᖅᑎᑦᑎᔾᔪᑕᐅᓪᓗᓂ, ᓱᒃᑲᓂᖏᑦ, ᓇᓕᖅᑯᑦᑎᔪᓐᓇᕐᓂᖏᓐᓂᒃ, ᐊᐅᓚᑦᑎᔪᓐᓇᕐᓂᖏᓐᓂᒡᓗ ᐅᓈᕐᒥᒃ.