ᑮᓇᑉᐸᒃ

Deborah Qaunaq: ᑖᓐᓇ ᐱᙳᐊᕈᑎᕕᓂᐅᕈᔪᖅᑰᖅᑐᖅ ᐊᐃ? ᑎᕙᔫᖅ ᐃᓐᓇ

Deborah Qaunaq / Natalino Piugattuk: ᑎᕙᔫᖅ. Natalino Piugattuk: ᑎᕙᔫᖅ ᐃᓕᓴᕐᓇᙱᓐᓇᒥ ᐃᓄᖕᒥᒃ ᐅᐸᒃᓯᔭᕌᖓᒥ

ᖃᓄᐃᓕᐅᕈᓘᔭᖅᑖᓗᒋᓪᓗᓂᐅᒃ ᐃᓕᓴᕐᓇᙱᓗᐊᒧᑦ

ᑭᓇᐅᔭᕆᐊᒃᓴᖓᓂᒃ ᓇᓗᓇᖅᖢᓂ. ᑎᕙᔫᒥᒃ ᐊᑎᖃᖅᑎᑕᐅᓪᓗᓂ.

Roland Taqtu: ᓇᑭᙶᕈᓘᔭᖅᖢᑎᒃ? ᐋᒃᑲ. Natalino Piugattuk: ᐃᓯᖅᑐᖅ ᐅᓇ ᐃᒡᓗᒧᑦ

ᑮᓇᑉᐸᒃᓯᒪᓪᓗᓂ. ᑕᒡᕙ ᐃᓯᕋᒥ ᑕᒡᕗᖓ ᖃᓄᐃᓕᐅᑲᑕᕈᓘᔭᖅᑐᐊᓗᒃ

ᐃᓕᓴᕆᐅᒪᙱᒻᒪᒍ ᑖᔅᓱᒪ, ᐆᒪ ᖁᐃᓇᒋᑲᑕᓕᖅᖢᓂᐅᒃ

ᐃᓕᓴᕆᐅᒪᙱᒧᑦ. ᐊᕿᑦᑐᖓᓴᑲᑕᒃᖢᓂᓘᖕᒪᑦ.

Deborah Qaunaq: ᖃᒡᒋᒥ? Natalino Piugattuk: ᓇᓂᑐᐃᓐᓇᖅ. Deborah Qaunaq: ᖃᒡᒋᒥ, ᐃᓄᒋᐊᔭᒃᖢᑎᒃ

ᐱᙳᐊᕐᕕᐊᓗᖕᒥ, ᑕᐃᔅᓱᒪᓂᐊᓗᒃ. ᐃᓄᒋᐊᔭᒃᖢᑎᒃ

ᐅᒡᕙᓘᓐᓂᑦ ᕿᓚᐅᔾᔭᖃᑦᑕᖅᖢᑎᒃ ᐃᓄᒋᐊᔭᒃᖢᑎᒃ.

ᑕᐃᒪᐃᑦᑐᒥᒃ ᑮᓇᑉᐸᒃᓯᒪᔪᒥᒃ ᐃᓯᖅᑕᐅᒐᒥᒃ

ᐅᐸᑲᒃᑕᖅᖢᓂᒋᑦ ᑎᕙᔫᖅ-ᑎᕙᔫᖅ ᑭᓱᒥᑦᑐᖅ ᑲᖕᓇ ᐊᐃᑦᑐᕐᓗᒍ

ᑕᐃᒪᐃᓕᐅᖃᑦᑕᖅᑐᖅ ᐱᙳᐊᕈᑎᕕᓂᐊᓗᒃ.

ᐱᔾᔪᑎᖃᖅᑐᕕᓃᑦ ᑕᒪᒃᑯᓄᖓ ᐅᐱᕐᖓᒃᓵᖑᓕᕐᒪᑦ

ᓂᕐᔪᑎᓂᒃ ᐊᔪᙱᓐᓂᖅᓴᐅᓂᐊᓕᕋᒥᒃ ᖃᐅᒪᐃᓐᓇᖃᑦᑕᓕᖅᖢᑎᒡᓗ

ᖁᕕᐊᓲᑎᖃᖅᐸᓕᕐᓂᕐᒪᑕ. ᑕᒪᔾᔭ ᐱᔾᔪᑕᐅᖃᑦᑕᖅᑐᕕᓃᑦ.

ᑕᒡᕙ ᑖᓐᓇ, ᑎᕙᔫᖅ, ᑎᕙᔫᖅ [ᐃᖏᖅᑐᖅ] ᑭᓱᒥᒃᑐᖅ ᑲᖕᓇ ᐊᐃᑦᑐᖅᑕᐅᓕ

ᒪᓂᕐᒥᒃᑐᖅ ᑲᖕᓇ ᐊᐃᑦᑐᖅᑕᐅᓕ. ᐱᕋᓚᓕᖅᖢᑎᒡᓗ ᖁᕕᐊᓱᒃᖢᑎ [ᐃᒡᓚᕐ>ᖅ].