ᓄᑲᑉᐱᐊᖅᓯᐅᑦ ᐊᑕᔪᖅ
ᐊᑕᔪᖅ ᐊᑎᒋᖓ ᖃᕐᓕᖏᒡᓗ ᐊᑕᓪᓗᑎᒃ, ᐃᓛᓐᓂᓗ ᑲᒥᖃᖅᖢᑎᒃ ᐳᐊᓗᖃᖅᖢᑎᒡᓘᓐᓃᑦ. ᐊᑐᖅᑕᐅᕙᓚᐅᖅᑐᑦ ᓄᑕᖅᑲᓄᑦ ᐊᒫᖅᑕᐅᔪᓐᓃᖅᑐᓄᑦ ᑭᓯᐊᓂ ᓱᓕ ᒥᑭᓗᐊᖅᖢᑎᒃ ᓇᖕᒥᓂᖅ ᑲᒥᒃᑐᕆᐊᒃᓴᖅ ᐳᐊᓗᓇᓱᒋᐊᒃᓴᕐᓘᓐᓃᑦ ᐃᑲᔪᖅᑎᖃᕐᓇᑎᒃ.
ᐊᑕᔪᖅ ᓴᓇᓯᒪᔪᖅ ᑐᒃᑐᑉ ᐊᒥᖓᓐᓂᑦ ᐅᑭᐅᓕᓴᓂᑦ. ᐅᑭᐅᒃᑯᑦ, ᐊᒥᖓ ᐃᔾᔪᓂᖅᓴᐅᖕᒪᑦ ᓱᕋᔭᙱᓐᓂᖅᓴᐅᓪᓗᓂᓗ, ᐅᑭᐅᖅᓯᐅᑎᑦᑎᐊᕙᐅᓪᓗᓂ. ᐊᑯᓂᐅᔪᒥᒃ ᐃᖏᕐᕋᓂᐊᖅᑎᓪᓗᒋᑦ, ᓄᑕᖅᑲᑦ ᑕᐃᒪᐃᑦᑑᔮᖅᑐᓂᒃ ᐃᓗᐹᖃᖅᐸᓚᐅᖅᑐᑦ, ᒥᖅᑯᖓ ᐃᓗᖔᖓᓃᖦᖢᓂ ᓯᓚᓪᓕᖃᖅᖢᓂᓗ, ᐅᖅᑰᔾᔪᑕᐅᓪᓗᓂ. ᐊᑕᔪᖅ ᐊᑯᓛᖃᖅᖢᓂ ᓄᑕᕋᖅ ᐊᖁᕕᑐᐃᓐᓇᕐᓗᓂ ᖁᐃᔪᓐᓇᕐᓂᐊᕐᒪᑦ ᐊᓇᕐᓗᓂᓘᓐᓃᑦ.
ᐅᓇ ᐊᑕᔪᖅ ᓄᑲᑉᐱᐊᖅᓯᐅᑦ. ᓂᕕᐊᖅᓯᐊᑦ ᐊᔾᔨᐸᓗᖏᓐᓂᒃ ᐊᑐᖅᐸᓚᐅᖅᑐᑦ ᑐᓄᖓᒍᑦ ᓂᒡᔭᖄᕐᔪᒃᖢᑎᒃ. ᐊᖏᓕᕇᒃᖢᑎᒃ ᓴᓇᔭᐅᕙᓚᐅᖅᑐᑦ, ᐅᕙᓂ ᓴᖅᑭᑕᐅᓯᒪᔪᑐᑦ.
ᒫᓐᓇ, ᓄᑕᖅᑲᑦ ᐊᒥᕐᓂᑦ ᓴᓇᓯᒪᔪᓂᒃ ᐊᑕᔪᖃᖅᐸᒍᓐᓃᖅᑐᑦ. ᐊᑕᔪᖃᖅᐸᓕᖅᑐᑦ ᖃᓪᓗᓈᖅᑕᒃᓴᔭᕐᓂᒃ ᓴᓇᓯᒪᔪᓂᒃ.
