ᐃᐸᕋᐅᑕᖅ ᐊᑐᖅᑕᐅᕙᓚᐅᖅᑐᖅ ᕿᒻᒥᓄᑦ ᓈᓚᙱᓕᕌᖓᑕ ᓱᑲᓴᐅᑕᐅᔪᓂᒃ. ᐃᐸᕋᐅᑕᐅᑉ ᓯᖁᖅᐸᓗᖕᓂᑐᐃᓐᓇᖓᓄᑦ ᕿᒻᒥᑦ ᓈᓚᓕᖅᐸᓚᐅᖅᑐᑦ.
ᓇᒡᔪᖕᒥᒃ ᓴᓇᓯᒪᔪᖅ ᐃᐳ, ᐊᑕᓪᓗᓂ ᑲᖏᖓᓄᑦ - ᑕᑭᓪᓗᓂ ᐱᕐᕋᖅᓯᒪᔪᖅ ᐊᐃᕕᕋᔭᒃ. ᐊᑐᖅᑎᖓᓄᑦ ᐊᐅᓚᑕᐅᑦᑎᐊᕈᓐᓇᕆᐊᖃᓚᐅᖅᑐᖅ. ᐃᐸᕋᑦ ᑕᑭᓕᕇᒃᐸᓚᐅᖅᑐᑦ ᐃᓄᖏᓐᓂᒃ ᒪᓕᒃᖢᑎᒃ. ᑕᑭᓂᖏᑦ ᓈᒻᒪᒋᐊᖃᓚᐅᖅᑐᑦ ᕿᒻᒥᓂᒃ ᐊᐅᓚᑦᑎᔪᓐᓇᕐᓗᑎᒃ ᕿᒧᒃᓯᖅᑐᖅ ᖃᒧᑏᖕᓂᑦ ᓂᐅᓚᐅᙱᓪᓗᓂ. ᐊᕐᓇᓄᓪᓗ ᐊᑐᖅᑕᐅᕙᓚᐅᕐᒥᔪᑦ ᕿᒻᒥᓂᒃ ᐅᖑᒪᑦᑎᔾᔪᑕᐅᓪᓗᑎᒃ ᐋᒃᑐᖅᑐᖃᖅᑎᓪᓗᒍ.
ᒫᓐᓇ ᐃᐸᕋᐅᑕᑦ ᓱᓕ ᐊᑐᖅᑕᐅᕙᒃᑐᑦ ᕿᒧᒃᓯᖅᐸᒃᑐᓄᑦ. ᐅᒡᔪᒐᔭᖕᓂᑦ ᓴᓇᓯᒪᒐᔪᒃᑐᑦ ᕿᔪᖕᓂᒃ ᓇᒡᔪᓂᒡᓘᓐᓃᑦ ᐃᐳᖃᖅᖢᑎᒃ.
ᐃᐱᕋᐅᑕᖅ
Natalino Piugattuk: ᑕᒡᕙ ᐅᖃᐅᓯᕆᓂᐊᓕᖅᑕᕋ ᒫᓐᓇ ᐃᐸᕋᐅᑕᖅ ᕿᒧᒃᓯᖅᑐᒥᒃ
ᐊᑐᖅᑕᐅᕙᓚᐅᖅᑐᖅ. ᕿᒧᒃᓯᖅᑐᖅᓯᐅᑎᑐᐃᓐᓇᖅ ᐃᓄᖕᒧᑦ
ᐃᐸᕋᐅᑕᐅᙱᑦ... ᐃᓄᖕᒥᒃ ᐃᐸᕋᖅᑑᑕᐅᙱᑦᑐᖅ
ᕿᒻᒥᓂᒃ ᑭᓯᐊᓂ ᐊᔪᕈᓐᓃᖅᓴᐅᓇᓱᒃᖢᓂ ᑐᓵᙱᓴᕌᖓᑕᓗ
ᐃᐸᕋᕆᐊᖅᐸᒃᖢᒋᑦ ᑕᐃᒪᓐᓇᐃᑦᑑᔪᑐᖃᐅᖕᒪᑦ ᑖᓐᓇ ᐃᐸᕋᐅᑕᖅ
ᐊᑎᖃᐅᕆᓪᓗᓂᑦᑕᐅᖅ ᓲᖃᐃᒻᒪ ᐃᐸᕋᐅᑖᓘᖕᒥᒐᒥ.
ᐃᐸᕋᐅᑖᓘᖕᒥᒐᒥ ᐊᑎᖃᐅᕆᓪᓗᓂ. ᑖᓐᓇ ᓴᓇᓯᒪᓂᖓ
ᐅᓇ ᑕᒡᕗᖓ ᑎᑭᖦᖢᒍ [ᓇᑕᓕᓅ ᑕᑯᑎᑦᑎᔪᖅ ᓯᕗᓪᓕᖅᐹᖅ ᑭᓱᑯᑦᑎᖕᒐᓃᑦᑐᖅ ᐊᓅᑉ ᐃᓚᖕᒐᒍᑦ ᐱᕐᕋᖅᓯᒪᓂᖕᒐᓂ] ᑲᖏᕆᖦᖤᖅᐹ. ᑲᖏᕆᖕᒪᒍ ᐃᐳᖃᖅᖢᓂ [ᓇᑕᓕᓅ ᑕᑯᑎᑦᑎᔪᖅ ᑎᒍᒻᒥᕕᖕᒐᓂ].
ᐃᐳᖃᖅᖢᓂ ᑲᖏᐊ ᑖᓐᓇ. ᕿᒻᒥᓄᑦ ᐃᐸᕋᐅᑕᐅᓲᖅ. ᑕᒡᕙ ᑕᒪᓐᓇ
ᐊᒃᖢᓈᖓ [ᓇᑕᓕᓅ ᑕᑯᑎᑦᑎᔪᖅ ᐃᐸᕋᐅᑎᐅᑉ ᐃᓚᖕᒋᓐᓂᒃ, ᑲᖕᒋᖅ ᐃᓚᖕᒐᓂ] ᐃᐸᕋᐅᑕᖅᑕᕆᓪᓗᓂᐅᒃ ᑕᑲᓄᖓ ᑐᐊᒡᓕᓯᒪᒐᒥ
ᑐᐊᒡᓕᓯᒪᓂᖓ ᒪᓕᒃᖢᒍ, ᐃᐸᕋᐅᑕᐅᒐᓗᐊᕋᒥ ᑕᑲᓐᓇ ᑐᐊᓐᓂᖓ
ᑐᐊᓐᓂᖓ ᑕᐃᓂᖃᕆᓪᓗᓂ “ᓱᓗᕋᖅ”. ᓱᓗᕋᐅᓪᓗᓂ ᑕᑲᓐᓇ ᑐᐊᓐᓂᖓ
ᑕᑲᓅᓇ. ᑕᒡᕙ ᑕᒪᐅᖓ ᑎᑭᓱᖓᖅᖢᒍ ᓱᓗᕋᖅ. ᑖᓐᓇ ᑕᒡᕙ ᓱᓗᕋᐅᓂᖓ
ᑕᐃᒪᓐᓇᐃᑦᑑᓪᓗᓂ. ᕿᒧᒃᓯᖅᑐᓂᒃ ᐊᑐᖅᑕᐅᓲᖅ ᕿᒻᒥᓪᓗ
ᓴᖑᔪᒪᔪᓐᓃᑲᑕᓲᖑᖕᒪᑕ ᓇᓕᐊᖕᓄᑦ ᒪᐅᖓᓘᓐᓃᑦ ᐊᕗᙵᐅᓇᓱᒃᑲᓗᐊᖅᖢᓂ
ᐊᕗᖓᖔᖅ ᓴᖑᔭᓕᕌᖓᑕ ᑕᒪᐅᖓ ᐃᐸᕋᕆᐊᖅᐸᒃᖢᓂ
ᐊᒻᒪ ᐊᕗᙵᐅᔪᒪᓪᓗᓂ ᕿᒻᒥᑦ ᓴᖑᔪᓐᓃᕌᖓᑕ ᑖᓐᓇ ᐊᖅᑐᖅᖢᒍ
ᓂᐅᓚᐅᙲᓐᓇᕋᓗᐊᖅᖢᓂ ᐃᖏᕐᕋᓐᓇᖅᖢᓂ ᑕᐅᕗᖓ ᐅᐸᒍᒪᔭᕐᒧᑦ
ᑖᔅᓱᒪ ᐃᑲᔪᖅᖢᓂᐅᒃ. ᐃᑲᔫᑎᐅᓇ ᕿᒧᒃᓯᖅᑐᒧᑦ ᑕᒪᓐᓇ ᐊᑎᐊ ᑕᒡᕙ
ᐅᖃᐅᓯᕆᓵᕋᒃᑯ ᓱᖅᑯᐃᓴᖅᓯᔪᒃᓴᐅᕗᖅ. ᑕᒃᖠᓗᐊᖦᖤᕐᓂᐊᓕᕋᒪ.
