ᐅᑭᐅᒃᑯᑦ, ᐃᒡᓗᓕᖕᒥ ᓯᑯᐃᓐᓇᐅᓕᖅᐸᖕᒪᑦ, ᐊᖑᑎᑦ ᓇᑦᑎᖅᓯᐅᕆᐊᓕᖅᐸᒃᑐᑦ. ᓇᑦᑎᖅ ᑭᕕᓇᔭᕐᒪᑦ ᐊᓂᖅᓵᕈᓐᓇᙱᒃᑯᓂ, ᐊᒡᓗᓕᐅᖅᓯᒪᒐᒃᑐᑦ ᐊᓂᖅᓵᕐᕕᒃᓴᒥᓂᒃ, ᑕᐃᔭᐅᔪᒥᒃ ᐊᒡᓗᒥᒃ, ᐳᐃᕝᕕᒋᓚᐅᖅᐸᒍᓐᓇᖅᑕᒥᓂᒃ. ᐊᒡᓗ ᐊᐳᑎᒧᑦ ᓴᖅᑭᔮᙱᒐᔪᖕᓂᖅᓴᐅᔪᖅ.
ᐊᖑᓇᓱᒃᑎ ᐊᒡᓗᓯᐊᕈᓂ ᐊᐳᑕᐃᔭᕐᓗᒍ ᓇᒡᔪᖕᒧᑦ, ᓂᓚᖓᓄᑦ ᑎᑭᓪᓗᒍ. ᐱᖃᑖᓄᑦ, ᓄᕗᖃᕐᓂᖅᓴᒧᑦ, ᐊᖕᒪᕋᔭᖅᑕᖓ. ᐊᖕᒪᕐᓗᒍ ᓇᐅᓕᒋᐊᕐᕕᒃᓴᐅᓕᖅᑎᓪᓗᒍ ᓇᑦᑎᖅ ᓄᐃᒋᐊᖅᐸᑦ ᐊᒡᓗᒃᑯᒃ.
ᑕᒪᓐᓇ ᐊᑐᖅᑕᐅᕙᒍᓐᓃᖅᑐᖅ.
ᐊᒡᓗᒃᑯᑦ ᓇᑦᑎᕋᓲᑎᑦ
Natalino Piugattuk: ᓂᒃᐸᖅᓂᐊᖅ ᐊᐳᑎᖃᖅᑐᒥ ᓂᒃᐸᕐᓂᐊᖅᖢᓂ (ᖁᐃᕐᓱᖅ) ᑕᐃᔅᓱᒧᖓ ᐊᒡᒑᓪᓚᓚᐅᖅᖢᒍ
ᐊᒡᒑᓪᓚᓚᐅᖅᖢᒍ ᐊᖕᒪᔪᐊ ᑕᐃᖕᓇ, ᑕᑲᓐᓇ ᐊᒡᓘᑉ ᐊᖕᒪᔪᐊ
ᓱᕋᒃᑕᐃᓕᒪᒐᒥᐅᒃ ᑖᔅᓱᒧᖓ ᐊᒡᒐᒃᖢᓂᐅᒃ ᐊᕿᒡᓕᖕᒪᑦ ᐲᔭᖅᐸᓪᓕᐊᓪᓗᓂᐅᒃ
ᓇᓗᓇᕈᓐᓃᕐᒪᑦ, ᓂᐱᖃᕐᓂᐊᕐᒪᑦ ᓵᒡᓕᕙᓚᑦᑎᔪᖅ. ᑕᐃᖕᓇ
ᐅᓇ ᐊᐳᒻᒥᒃ ᐊᒡᒐᓚᐅᕋᓗᐊᖅᖢᓂ ᑕᑯᓄᖓ ᖃᒡᓕᒍᓂ
ᓂᓚᐅᕙᓚᑦᑎᓕᕐᓗᓂ. ᑕᒡᕙ ᐊᖕᒪᖅᓯᒪᙱᓚᖅ ᑕᐃᒪ ᐊᒡᓗ
ᓂᓚᐅᕙᓚᑦᑎᓕᖅᖢᓂ ᑖᔅᓱᒧᖓ ᓱᓕ ᐊᒡᒐᒃᑲᓗᐊᖅᖢᒍ
ᐊᐳᑦ ᐊᒡᒐᒡᓗᒍ ᓂᓚᐅᓂᖓᓄᑦ ᑎᑭᓐᓇᒥ ᓂᓚᐅᕙᓚᑦᑎᓕᕐᒪᑦ
ᑖᔅᓱᒧᖓ ᐊᖕᒫᕐᔪᑯᓗᒐᓱᒃᖢᒍ ᓄᕗᑯᓗᐊᓄᑦ ᐊᖕᒫᕐᔪᑯᓗᒐᓱᒃᖢᒍ
ᑕᐃᒪᓐᓇ ᐊᖕᒪᔪᖃᓕᕐᒪᑦ ᐊᓯᐊᓂᑦᑕᐅᖅ ᑕᐃᒪ ᐊᓂᖅᓵᖅᑐᕐᓂᖓᓄᑦ
ᑕᐃᔅᓱᒪ ᐊᖕᒪᔫᑉ ᓇᓗᓇᔾᔮᖏᒻᒥᖕᒪᑦ ᑲᐱᒋᐊᕐᓂᐊᕐᒪᑦ ᐊᒡᓗ ᑕᐃᖕᓇ
ᓂᒃᐸᖅᑕᖅ. ᑖᓐᓇ ᑕᐃᒪᓐᓇᐃᑦᑐᕆᔭᐅᔪᕕᓂᖅ.
ᐊᑐᖅᑕᐅᔪᖅ ᖃᐅᔨᐱᓪᓚᑦᑕᖅᓯᒪᒐᒃᑯ
ᓂᒃᐸᔅᓲᔭᒃᑲᐅᙱᑦᑐᑯᓘᒐᒪᓕ, ᑖᔅᓱᒥᖓ ᑕᐃᒪ ᐊᑐᖅᑐᖅ
ᕿᑭᕐᕇᖅᓯᒐᒥ, ᐃᑲᕐᕌᖕᓂᒃ ᑭᓯᐊᓂ ᑕᐃᒪ ᒪᕐᕉᖕᓂᒃ ᓂᒃᐸᕋᔭᖅᖢᓂ.
ᕿᑭᕐᕆᐅᖅᑲᐅᒐᒥᐅᒃ ᓂᓪᓕᐊᑎᑦᑎᕈᓘᔭᖅᖢᓂ ᕿᑭᕐᕆᐅᖅᑲᐅᒐᒥᐅᒃ
ᐃᒃᑲᕐᕌᖕᓂᒃ ᑭᓯᐊᓂ ᒪᕐᕉᖕᓂᒃ ᓂᒃᐸᕐᓗᓂ ᓇᑦᑎᖅ ᑕᒡᕗᙵᕈᓐᓇᖅᓯᑕᐃᓐᓇᕋᔭᕐᒪᑦ.
